THIL MAK 2 CHAUH

Thingzung leh hnim mak –

                Esurrection plant te, Mimosa te leh Venus fly trap etc. te hi an che thei a, kal sawn lovin awmhmunah an che thei a ni. Tualchhung lam bih ta ila, a kum chiah hriat a ni ta lo va, ṭum khat chu Sihphir kawn venga mî, Pu Lallianmawia s/o Lalrema leh a ṭhiante lui kal chuan thing zung mak tak an hmu a. Chung thing zungte chu an che thei a, an vâk darh thei a, kut leh kê an zem thei. Chow tiat vêl leh chow ang vêla sei an rawn hàwn a ni. 

                Sihphir chanchinbu ‘The Sihphir Post’ te’n a hmunah kalin an khai kâng a. Kut a la zem thei. An lâkan a rei tawh deuh avângin a chak vak tawh lo niin an sawi. Chu thil chu, Science Teacher Association Mizoram (STAM) office-ah theh lûtin, Pachhunga College-a zir chian atán an thawn nia hriat a ni.  www.zolinks.com

Gath an laihchhuah kha eng nge a awmzia?

                Archaeologist-te’n hmun danglam tak an hmuchhuak ta tlat mai le! Chu hmun laih chhuah thar chu entrance gate to Gath an tih mai, Ancient city Bible-a inziak Philistines luhna a ni a. Chu bâkah, Bible-in a sawi milian (Goliath) pawh an lo khawsak tawh ṭhinna hmun Gath a ni. 830 BCE-a Damascus Lalin a tihchhiat hma khan he hmun Gath hi kum 100 tél khawpui lian ber a lo ni tawh ṭhin niin Jerusalem Post chuan a sawi.

                Bible-in a sawi Khawpui luhna Gate, Lal Saul-a hnen aṭanga Gath Lal hnena Davida tlanchhiatna hmun kha a ni. Bible-a inziak city gate a nihna mai bâkah, scientists-te’n Kulh bang an hai chhuak bawk a, building hrang hrang, temple leh iron siam chhuahna hmun te an hai chhuak bawk a. Philistine ṭawnga thuziak pahnih awmna pawh an chhar a, chuta thu awmte chu milian “Goliath” tih sawina ve ve a ni. www.zolinks.com

                Hetia kul lian tham tak an haichhuah tâk hnu hian, 10th century leh 9th century vela khawpui pawimawh awmna ni ngeiin archaeologist-in-charge chuan a sawi. He hmun hi central Israel a ni a, Tel Zafit National Park, Judean Foothills-a awm a ni a, 5th millenium BCE aṭanga luahlum ṭhin kha niin researchers-te’n press release ah an sawi.  www.zolinks.com

 

Hei hi Diktawn Megazine aṭanga tlêmtê ka rawn lâkchhuah a ni.

LEAVE A REPLY

Please enter your comment!
Please enter your name here