Tûnlai chu Lily Lalremkimi Darnei chung chang zèl din leh sawi neuh neuh an peih riau mai a, heti záwng hian thlirna dang neih san daih ang u aw.

  Awmna hmunin a zir loh avâng tein mahni ṭawng pawh duh ang tâwka hman kan lo harsat palh a ni thei e. Mahse chutichung pawha Miss Mizoram thlanna tûrah inbuatsaihin a ngaihlu ve hle tih chu hai rual a ni àwm lo ve. Hmun dang aṭanga lokal ta vang vang chu a huaihawttute hian lo hnar mai bik lovin, an han teltirta ni mai àwm a sin (a bul ṭhut kan hre ve lo naa). A huaihawttute leh Zonet Cable lam te hi an felin, an lo zau khawp mai. (Zonet kan pawt pha ve lo a nia😁).

  Tûnah Miss Mizoram ber tûr pawh an la thlang chhuak lo va, Miss Mizoram nih tumtute hi fiahna an la paltlang dawn chauh niin a lang a, chutah chuan Lily-i hian Mizo ṭawng kha a harsat deuh hlek emaw ni chu aw tih theih tûr khan sâp ṭawng a hmang daih a, kha’ng avâng te, state dang aṭanga lokal a nihna te (thil dang tam tak mipui nawlpuiin a kan hriat ve lêm loh pawh a awm thei ang chu) avâng khan a thlangtu tûrte chuan uluk deuhvin a point an pe emaw paih mai dawn a. Judge-te thu thu a ni mai.

Jundge-te hi an ṭha êm êm a, a tling ber tûra chu an thlang chhuak ngêi ang tih a rin theih a ni.

Chuvângin engamah hmaa Miss Mizoram tûra lo tel pakhat hi lo enghelh viauna chhan tûr awmin a lang lo a ni. Ram danga awm ve tho, rawn tel ve ngam lo emaw, tel ve thei si lo ang te hian lo lawmpui a, lo ṭan ber zâwk tûra ngaih laiin, an thîk emawnile aw tih theih tûr hian post an siam leh comment hrang hrangah te kan hmu thei bawk àwm e.

Chuvângin engamah hmaa Miss Mizoram tûra lo tel pakhat hi lo enghelh viauna chhan tûr awmin a lang lo a ni. Ram danga awm ve tho, rawn tel ve ngam lo emaw, tel ve thei si lo ang te hian lo lawmpui a, lo ṭan ber zâwk tûra ngaih laiin, an thîk emaw ni le áw tih theih tûr hian ṭhenkhat tute emaw post leh comment hrang hrangah te kan hmu thei bawk àwm e tih hi han chhawp chhuah kan tum zet naa, chhawp chhûak leh lo zâwk mai ang. 🤭

LEAVE A REPLY

Please enter your comment!
Please enter your name here