MIFING THU LEH AN AN THURIL SAWITE – PART I

                Awmnawmna leh nawmsakna hi kan nunin a mamawh berteah ngaiin helam hawi hian thil kan ti ṭhin ni berin a lang a. Amaherawhchu min tihlimtu tur tak tak kan mamawh chu thil engemaw phûr taka min awmtir theitu a ni zâwk a ni.            – Charles Kingsley.

                A hmuingil lai aiin a harsat lai zawkin i ṭhian chu tlawh chîng zâwk ang che.            – Chilo.

                Amah ngawt pawhin thudik chuan a hneh ziah a. Dâwt chuan phungbawm a mamawh a ni.            – Epictetus.

                A kala han kalkhawm phawt hi bul ṭanna a ni a; chêthona chu hmasâwnna, ngaihtuahhona chu insuihkhawmna; thawhhona chu hlawhtlinna.

                A taka ka lo hriat dan chuan mî, sualna nei hauh lova inngaite hian ṭhatna an nei tlém duh khawp mai.                      – Abraham Lincoln.

                A theih loh kan tih mai ṭhinte hi kan beih nasat tâwk loh vang a ni cháwk.

                A ṭha ber beisei la, a chhe ber hmachhawn inring rawh.                  – Abraham Lincoln.

                A tak takah chuan thiltih ropui leh lian te reng reng hi a tira rinna a innghata bul ṭan te vek an ni. – Shlegal

                A huhova khawsak tlan a nih loh vek chuan a huhova chhiat tlan a ni ang.               – Nehru.  www.zolinks.com

                A za vek chuan ka famkim a ni thei e; amaherawhchu ka bung hrangte erawh hi chu an ṭha thlawt asin!

                A ṭha lam hlira thil thlir mi chu tuikhur mihringa lo chang chu a ni.              – S.J.B

                A dik tak chuan, ‘engmah lo aṭanga eng emaw’ tih hi a awm tak tak lo. A tawp khâwkah chuan i pêk zat hu chiah zel a ni i hmuh ni. Chhangthâwp tlang khat i lei emaw Motor Car i lei emaw a danglam chuang lo.

                A hriat lohzia inhre lo chu a hriatnain a hruai sual ang.

                A ṭha zawng hlira thil thlir mi chuan vanduaina apiangah remchanna a hmu a; a chhe lam hlira thlirtu chuan remchanna apiangah vanduaina a hmu thung a ni.

                A tirah ringhlela chutah zawt vela, chutah hmuchhuak. Hei hi mi ngaihtuahna hmang nasa mi ropuite kalhmang chu a ni.           – H.T. Buckle.

                A tawp thleng peih lo tan bul ṭan loh a finthlâk zâwk.

                A tam lam bawh ngawt suh. Mi hlawhtlingte hian kawng khawhar an zawh cháwk.

                A mize dik tak i hriat duh chuan midangin a chanchin an sawi aṭang ni lovin, amahin midang chanchin a sawi duh dan aṭangin i hre fuh zâwk ang.         – L.A.

                A nuna i nun chhung chuan nun dan tur zir zel ang che.   – Seneca.

                A dik lohna aiin a tih dikna hmuh tum zawk rawh.

                Awlsam taka kan mit kan menga kan maimitchhing ang hian kan beng hi kharin hawng ila a va nihlawh thlâk dawn em!            – G.C.I.

                Arpui dum pawhin artui var bawk a ni a tui ni.

                A mala awm chu mi ṭha lo kawm ai chuan a ṭha zâwk.

                A manah chuan min bum la, a thilah erawh min bum suh.

                A hmasain han phû phawt la, chutah i duh dawn nia.

                Awm ve lote chu dik lo lam an ni zel.

                A no khatna chu tuihal vang ni ta se, a no hnihna chu taksa ṭhat nan; a no thumna chu nawm hrim hrim nan ni ta se; a nu lina chu ât vang a ni tawh ang.  www.zolinks.com

                A hre tam ber chu a sawi tlêm ber a ni.

                A bul ṭan ṭhat a ṭha e, amaherawhchu zawh ṭhat a ṭha zâwk.

                Awh zawng ngah hian sual a hring a, awh neih loh chu hnungtawlhna a ni si.

                A ṭihbaiawm vang ringawta Pathian betu chuan Setana pawh inlar ta thut se a be tho ang.              – Anon.

                An laka beisei tur awm lote kan dawnsawn dan hian kan mize dik tak a tar lang ṭhin.

                A let leh beisei vanga thil petu chuan vawi khat mangan a tawk tel ṭhin.

                Beidawnna hi min tiphûrtu atana hman hlauh tur a ni; min tihnualtu atan ni lovin.

                Buaina reng reng awmna chhan chu mahni inngaihsanna vang a ni. Mahni inngaihsanna hi bo se kan buainate pawh a bo nghal ang.

                Buaina hi thilṭha zawk atana Pathianin min chher a tumna hmanrua chu a ni.        – H.W. Beecher.

                Bible-ah hian mi mâwl hriatna nei loten hriat ṭul zawng zawng an zir thei a; chutiang bawkin thil hre ber berte pawhin an mâwlzia leh an hriatlohzia an hre chhuak thei a ni.                       – Robert Boyte.

                 Bible hi mihring thinlung aṭanga lehkhaziak lo chhuak, Pathian hawn nia lang tukverh, chuta ṭanga mi zawng zawngina chatuan reh vung vung an thlir theihna tur leh an chênna in hla taka awm, hun rei tak an lo theihnghilh tawh chu a riruang an hmuh theihna chu a ni. – Thomas Carlyle.

                Bible hi lehkhabu chhut tawh zawng zawng aia hlu zâwk a ni.       – Patrick Henry.

                Bible chhiar hi amah ngawt pawhin lehkha thiamna a tling a ni.                   – Lord Tennyson.

                Bible chhiar ṭhin mite chu rilru thilah leh khawtlang thilah hnuaichhiah theih an ni lo; Bible zirtirna hi mihringte zalenna innghahna bul chu a ni si a.     – Horace Greeley.

                Beiseina hi chhum ang a ni a; a ṭhen chu engmah lovin an bo leh mai a; a ṭhente erawh chuan ruah an rawn keng a ni.

                Bul ṭan ṭhat chuan tawpna ṭha a thlen.

                Beram thatchhia chuan a hmul pawh rit a ti.

                Bel tê chu a sa thuai ṭhin.

                Bawngpa chu a ki-ah man beh a ni a, mihring chu a leiah.

                Buhseng chu ni tin a thleng lova, kum tin erawh a lo thleng ṭhin.

                Bawkkhupa chibai bûk ai chuan mi ṭanpui a awlsam zâwk.

                Beiseina tihsan lutuk hi beidawnna bul ṭanna a ni fo.

                Beidawn nachang hre pha lo chu chhanchhuahtlâk an ni ngai lo.

                Bungraw hlutna chu a manah a ni a, mihring hlutna chu an thil tihah a ni.

                Chhiahhlawh nih zir hmasa la, tichuan hotu nih i thiam ang.          – Swami Vivekananda.

                Chetsual palhna a thlen hnua thurâwn inpêk chu thih tawh hnua damdawi ang chu a ni.

                Chunglam i pan laiin mite chungah ṭhat chhuah la, chuti lo chu i tlâk thlâk leh hunin i hmu leh ngei hlawm dawn si a.                            – Wilson Mizner.

                China-ho chuan an chaw leh damdawi hi an thliar hrang hauh lo a ni.        – Lin Yutang.

                Chhungkuaah leh lal rama rorél tur chuan chhungkaw pa ber leh lalte chuan a châng chânga an thuneihna bîk an thlauh thlâk a ngai a ni.            – Hughes.

                Chhiatna hi ka tâwk ngai lo vawi hnih bak chu; a vawi khatna chu thubuai ka hneh lohvin a ni a; a vawi hnihna chu ka hnehin a ni.                           – Voltaire.

                Chhia leh ṭha hriatna hian roréltu anga min hrem hma hian ṭhian angin min zilh hmasa a ni.           – Stanslovs.

                Chanchinbu ṭha chu ka ngaihdan chuan, hnam khat amah leh amah inbia chu a ni.              – Arthur Miller.

                Chaltlaina hi mi chak lo ten chaka an inhriat ve nana an hman chu a ni.         – Eric Hoffer

                China thufing : “A phêk tâwp i thlen chuan lehkhabu chu khup thawk mai rawh.”

                Chhungkuaa pa ber chu zirtirtu za pawhin an hen lo a ni.                – George Herben.

                Chhhia leh ṭha hriatna hi mihring ṭhian rinawm ber a ni.                 – Crabbe.

                Chhang ei zawh tawh chu theihnghilh a ni cháwk.

                Chhun hian mit a nei a; zan hian beng a nei a ni.

                Chapona tlangsanga kan din lai aiin tlawmna ruama kan ṭhingṭhit lai hian finna kan hnaih zâwk.

                Chawlh nawmna hre turin thawh hmasak phawt a ngai.
www.zolinks.com

LEAVE A REPLY

Please enter your comment!
Please enter your name here