JOHN LOGI BAIRD (1888 – 1926)   Thil ri mai ni lo, a tak thla, hmun hla tak aṭang boruaka an thawn, TV hmanga kan lo hmu thei mai hi a mak hlê. Television siam chhuak tura a bul tumtu ber chu John Logi Baird-a a ni a. Kum 1926 daih tawh khán Great Britain-ah TV hmangin a tak thla hlawhtling takin a lo thawn thei reng tawh mai!

                Baird-a hi kum 1888 August ni 13 khán Glasgow khaw bul lawk Helenburg-ah a lo piang a. A pa chu puithiam, lehkhathiam tak a ni nain, a hlawh erawh a tlém hlê a. Baird-a hi unau pali zinga a naupang ber a ni a. A naupan lai chuan an in bul lawkah sikul a kal ṭhin a. Chûng hun lai chuan an zirlai pangngai bâkah thlalâk an zir bawk ṭhin a. Baird-a pawhin thlalâk lam chu a tuina záwng tak a nih avângin an sikula thlalatu páwl zingah chuan telin, President hna a chelh a.

                A lo zir sáng zêl a, Royal Techinical College-ah leh Glasgow University-ah a zir zawm zêl a. A hrisêlna a ṭha vak lo nain a zirlai chu zovin, Assistant engineer hna a hmu ta a. Kum 26 mî a nihin electronic company-ah a thawk a, kár tinin shilling 30 a hlawh ve a.  www.zolinks.com

                Indopui pakhatna a lo reh hnu khán mawza siam lam a bei ta thung a, pawisa pound 1600 lái a lo nei ve ta a. Chumi hnu chuan thei ùm siamna hmunpui a hawng a. amaherawhchu, a leitu an tam vak loh avângin a chawlhsan leh ta a. A hrisêlna a ṭhat vak loh avângin rilru tihharh nân Trinidad-a a ṭhianpa tlawh zai a rél ta a. A zin kawngah chuan lawngah a chuang a, a chuanna lawnga radio pindanah chuan lûtin a enkawltu nên chuan an inkâwm a, an hlim hlê a, boruak kal tlanga thil thlá thawn theih dàn tur chungchangte an sawi dûn a, an tui dûn hlê a.  www.zolinks.com

                Kum 1922 khán Baird-a chu London-ah a kîr leh a, hetih lai hian kum 34 a lo ni ve ta a. Hnathawh mumal a neih loh avângin sum lam a nei lo hlê a. Chutianga harsa taka a awm lai chuan television siam a tum ta a. Hmanraw hrang hrang a la khâwm a, scientist dangte’n an lo siam chhuah tawh electric motor te, projector lamp te, radio valves-te leh thil ṭul dangte chu vuah khâwmin, leh a ṭul dàn anga tidanglamin hun rei tak chhúng enchhinna hnà a thawk zêl a, thil thlá thawn leh lo dawnna tur siam chu a awlai lo hlê a. A tàwp a tàwpah, kum 1924 khán fit sâwm dan vêlah thil thla a thawn thei ta hlauh mai a.

                A thil thiam chu ṭha zâwka han siam turin sum a tlachham hlê mai si a, chanchinbuah ziakin sum lama ṭanpui theitu tur a zawng ta ngawt mai a. Vânneihthlâk takin kum 1925 khán dàwrkái fapa Gordan Selfriz-a chuan rawn hmùin, sumin a pui thei ta hlauh mai a. Baird-a chu a lâwm êm êm a. Chu pa dâwrah chuan a TV siam chu a han chhuah a, thla lo lang chu a la fiah lo hlê nain mak an ti êm êm a. Kum 1925 October ni 2 khán êng, káwlphethaa chantirin thil thlá thawn nân a hmang thiam ta a. Chutiang thil thlá a thawn chu a fiahin, amah Baird-a ngei pawh a hlim hlê a. Kum 1926 January thla chuan TV chu hlawhtling takin a chhuah thei ta a. Kum 1929 khán German rama dâk lam thuneitute chuan TV siam thei turin hmanrua leh ṭûl dang an tumsak ta a, tichuan, ‘colour TV’ pawh hlawhtling taka enchhinna a nei ta bawk a. Hemi kum vêk hian BBC chuan TV hmanga thu puan chhuahna hun an nei ta a. Amaherawhchu, Marconi-an radio a hmuh chhuah tâk avâng leh a sênso a tlém bawk si avângin BBC pawhin radio lam chu an hmang uar ta zâwk mah a.

                Baird-a chuan a TV hmuh chhuah chu tichangkâng zêlin, a aia ṭha zâwk a siam zêl a. Hrisêl lovin sum ngah lo mah se, colour TV ṭha zâwk siam turin ngawrh takin a bei chho zêl a, TV ṭha tak tak a siam thei ta a. Kum 1946 June ni 14 khán Sussex khuaah a boral ta a ni.  www.zolinks.com

                Hê mi ropui tak hian a thih hnuin chawimawina tam tak dawng mah se, a dam chhúng hun chu thawhrimna, hrisêl lohna leh retheihna nên, chawimawina ropui dawng lovin a hmang ral ṭhak a ni.

 

LEAVE A REPLY

Please enter your comment!
Please enter your name here