HRINGNUN THLIR ZAUNA

Zu in mi, Pa berh ve tak, a ruih tawh chuan Pathian hla saa lam thin hmelhriat ka nei a ;

Kohhran Hmeichhe hruaitu, inkhawm bân pawha thenawm khawvengte sawichhe hreh lo hmelhriat ka nei bawk !

‘Chhungte pêk tur ka nei lo palh ang’ tih hlau reng renga thawkrim, Tlangval an awm a ;

Chhungte awm loh hlan chang ran a, sum hailuh dan kawng dap thin Tlangval, hna thawk peih lo an awm bawk !

Officer lian tak, nui ve thei lo emaw tih mai tur, nilênga tum bau reng mai ka hmu a ;

Pheikhawk chhe siam, nilênga hlim taka zai hlarh hlarh thin ka hmu bawk!

Second-hand thawmhnaw man tlawm inbel thin Nula, zahawm em em si an awm a ;

A Bakkilh thlenga ‘branded’ vek Nula changkang, Farnu/Fanu atana kan awh ngai reng reng loh tur an awm bawk !

Lirthei hmanga kal thin, tlai reng mai Thian ka nei a,

Ke hlira kal thin, tlai ngai reng reng lo Thian ka nei bawk a !

Dâp In hlui tawh tak zâwn ka thlen chuan ka ding a, a chhunga chengte hlim taka an nui lai chu hmuhnawm ti takin ka thlir a ;

Ka kal zel a, In ropui tak pakhat hi a lo ding a,

Chu In ropui tak bathlarah chuan; Nu pakhat hi lungchhe takin a lo tawngtai mawlh mawlh a,

” Lalpa, ka Pasal leh Ka Fapa-te hian nunkawng dik an zawh theih nan Nangin tanpui la, hruai ang che” tiin a Mittui luang chu a hru mawlh mawlh a!

Hei hi a ni hringnun chu.

Nun hlimna dik leh nawmsakna tluantling te hi, pawnlam hmuhtheih leh khawihtheih thilah a innghat lova,

hmuhtheih loh chhungril lamah zawk hian a innghat a ni.

Kan nihna leh hna thawh te avangin midangte’n min zah viau pawh a ni thei,

Mahse, zahawmna dik tak erawh; nun-thiamnaah chauh a awm si a !

Neihchhuna lungawi thei te aia HAUSA zawk khawvêl-ah hian an awm reng reng lo hi a lo ni a.

A ziaktu hriat loh. Kan rawn suankual ve leh ṭhuai mai a ni e. 😕

LEAVE A REPLY

Please enter your comment!
Please enter your name here